OnePiece: عيوبٌ تغاضى عنها الفانز، فتعرف عليها

8 min


0
57 shares

بوست دعس ون بيس بوست اطول من ون بيس نفسه بس استحملو معايا.
في التدوينة ديه هتكلم عن عيوب ون بيس فقط، أما المُميزات هتكون في تدوينة تانية.

لوفي بطل انمي One Piece


ون بيس رغم انه من انمياتي المفضله، الا انه زيه زي اي عمل لا يخلى من عيوب.
قد تكون عيوب بشكل عام او عيوب بشكل شخصي انا بس اللي شايفها. هنبدأ نفندهم واحد واحد دلوقتي.

تطور الشخصيات


ون بيس شخصياته منعدمة التطور للاسف.
شخصيات زي ما بتشوفها من اول حلقه هي هي نفس الشخصيات اللي بتشوفها دلوقت:
يا من غير تطور يا تطورها بسيط جدا.
و شخصيه زي لوفي حتى الان تحسه بيدخل الفايت من غير ما يفكر و كأنه متعلمش اي حاجه من فايتاته و غلطاته القديمه الا قليل.

التكراريه


للاسف ون بيس وقع في فخ تكرار؛ و دا بسبب وضع العالم بتاعه اللي مقسم لجزر.
فا دا خلى معظم اركاته تقع في فخ التكرار للاسف.

  1. الطاقم بيروح جزيره
  2. بينزل و غالبا بيتفرق
  3. بيكون فيه شرير عايز يعمل حاجه في الجزيره.
  4. شخصياتنا بتقرر تساعد اصحاب الجزيره دي انهم يقضو عليه
  5. الطاقم بيتجمع تاني يحارب الشرير
  6. يحصلهم اصابات، ينامو يصحو يأكلو كتير و الجزيره و يمشو.
  7. ترك طابع جيد لاهل الجزيره دي ان طاقم قبعة القش طيب.

غالبا معظم الاركات نفس النظام يمكن ارك ايمبل داون و مارين فورد اللي فيهم تنوع شوية

اهمية القصه و البحث عن الهدف لها

ون بيس قدم لنا شخصيات كتير جدا على مر السنين و شخصيات في كل جزيره. بس للاسف معظم الشخصيات دي ملهاش اي لازمه او تأثير على الهدف الاساسي للقصه، و متبقاش فاهم هي كل الشخصيات دي في الارك دا ليه و ايه اهميتهم مستقبلا.
يعني شخصيه زي شيراهوشي مثلا انت عارف ان لها اهميه مستقبلا؛ بسبب انها بوسايدن و سفينة نوح و تنبؤات شيرلي.
لكن شخصيات في اركات تانيه انت متبقاش فاهم هي موجوده ليه اصلا او ايه اهمية الارك دا والشخصيات دي للصوره الكامله للقصه

اودا المؤلف لعب على الوتر دا بشكل احترافي انه يقنعك انها قصه طويله و انه بيديك اسرار كل كام ارك.
لكن انت لو بصيت عليها بشكل تاني هتلاقي نفسك مش عارف حاجه عن القصه و انت في فصل تسعمائه حاجه و تلاتين.
يعني متعرفش كتير عن شخصيات كتير، متعرفش مصادر قوة الفواكه، متعرفش اي حاجه عن العالم المفقود.
الا تشاش شخصيه زي انيل مثلا، راحت مكان مهم جدا و اللي هو القمر و حتى الان متعرفش عنها اي حاجه؛ عشان استاذ اودا بيحط صوره ولا صورتين لانيل على غلاف المانغا كل فين و فين.
معلومات اللي بتتجمع عن البونيجلف على مدار ال900 فصل تعتبر قليله

الكوميديا المستهلكه

ون بيس كان فيه كوميديا رائعه قبل التايم سكيب و كنت بضحك كتير مع الطاقم و الاحداث اللي بتحصل بينهم.
لكن بعد السنتين الكوميديا اتخسف بها الارض!!

  • شخصيه زي بروك مثلا كوميديته كلها بقت في جملتين بيقولهم لدرجة اني مبقتش طايق اشوفه.
  • سانجي كومديته كلها في الخناقه مع زورو و المعاكسه للحريم.
  • زورو كومديته في التوهان و الخناقه مع سانجي.
  • لوفي غبي و بيقول كلام غبي كتير و يحسسك قد ايه هو السنتين دول ولا كأنهم عدو عليه حتى.


طبعا دا غير الفان سيرفس المبالغ فيه اللي حصل بعد السنتين للشخصيات النسائيه كلها تقريبا، سواء من اودا المؤلف او من استوديو توي انميشن. بقى فان سيرفس ارخم من الفان سيرفس المتعارف عليه في الشونين كأن اودا كان مستني لحظة التايم سكيب عشان يعمل كده هو او توي انميشن.

Boa Hancock from One Piece
مش وحش أوي الفان سيرفيس…

ستايل اودا في الرسم


اودا من الناس المفضلين بالنسبه لي لانه له ارت خاص به. و انا بحترم المؤلف اللي بيعمل ارت خاص به يخليك تميز الشخصيه او طريقة الرسم اول ما تشوفها. بس اودا ساعات بحسه بيبالغ في الموضوع دا و بيقلب الموضوع بشكل طفولي زياده عن اللزوم حتى لو انت كنت اتعودت على شكل شخصيات بالمنظر دا لكن بتلاقي في الموضوع دا افوره حبتين

بكده اكون انتهيت من دعس عيوب ون بيس فهل تتفق او لا تتفق؟

قدمه لكم: Ali Gamal
التنسيق: Omar Essam


Like it? Share with your friends!

0
57 shares

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
1
geeky
love love
0
love
lol lol
0
lol
omg omg
0
omg
win win
0
win
Omar

2 Comments

  1. هههههههههههه…اخى انا افهم وجهة نظرك ,انا لا اعلم كم عمرك ولكن فى الغالب بعد السادسة عشر..المهم سأقول وجهة نظرى انا ايضاً
    يجب ان تتقبل ان ون بيس قصة شونين وليس سينن وقصص الشونين معروفة بحماستها وانها لا تحتوى على فكر كثير مثل دراغون بول وفيرى تيل وون بيس (مع ان اودا يضع الغاز ودلائل بون بيس ليحاول جذب جميع انواع المتابعين) لذا كلما نتقدم فى العمر ويبدأ يكبر عقلنا نبدأ نرى تلك الثغرات التى لم نكن نراها من قبل ونقول كيف كنا نحب هذه الانميات لهذه الدرجة ولا نرى بها اى سلبيات ؛لذا يجب ان نتقبل ان تلك القصص حبها ليس لأنها ابهرتنا بل هى تملك جزء خاص من قلبنا بلا اى مبرر
    انا لا اختلف على العيوب بل هى صحيحة ولكن عندى بعض الملاحظات ولكن سأنتظر مقال المميزات لأرى فقد تقولها انت

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format