0
46 shares

سلسلة مقالات “ناني؟” هي سلسلة هدفها تثقيف الناس بمصطلحات الانمي العديدة، دايماً و الواحد بيشوف انميات او بيدخل جروبات بيلاقي مصطلحات غريبة عليه، حاجات زي “شونن” و “سينن” لو لسه جديد او حاجات زي “Josei” و “Shounen-ai” لو متعمق شوية. 
فسلسلة المقالات دي ان شاء الله هناقش معظم المصطلحات بتصنيفاتهم.
بعد كل مقالة لو حد عنده سوال او حاجة عايز يعرفها فالمقال الجي يسيب كومنت تحت بيها و ممكن تكون موضوع المقال الجي.
يالا نبدأ

ملحوظة: لو ضغطت علي اسم اي انمي هيظهرلك صفحة My Anime List الخاصة بيها.

\\\\\\\\————-///////

شونن (Shounen) :


•الشونن(معناها شاب صغير) بيطلق علي انمي موجهة للشباب ماباين سن ال ٨-١٨ (و بعض التعريفات بتقول من ٧-١٧ بس عامةً فالrange ده) 
• الشونن انمي عادة بيتصفوا بكام حاجة زي ان قصتهم عادة بتكون بسيطة و متفائلة و تحكي قصة بطل يتفوق علي الصعاب فالحياة (مع وجود استثنائات)
• الشونن عادة يكون بطلها سنه من ١٠-١٧ عشان جمهور الشونن يقدروا يتواصلوا معاه اكتر (مع وجود استثنائات زي جينتاما)
• الشونن مش ضروري يكون اكشن و قتالات و ضرب، في شونن بيكون درامي (bakuman) فيه رياضي (kuroko no basket)، و فيه ايتشي، و حتي للمفاجأة الشديدة فيه انميات شونن نفسية او فلسفية زي (Aku No Hana).
• ملحوظة: فيه ناس بتقول علي الشونن “تشونن” و ده ناتج عن تفسير غلط لكلمة “Chunin”، كلمة تشونين بتوصف ترتيب معين فعالم النينچا، زي رائد او عميد فالجيش، لكن شونن معناها ولد في مقتبل عمره، الغلطة اصلها ارك Chunin exams فناروتو.

Aku No Hana
Aku No Hana

\\\\\\————//////

السينن (Seinen) :


• السينن هوا انمي موجه للشباب ذو العمر ١٨ وما فوق 
• السينن عادة يستهدف الشباب عشان كده عادة بيكون محتواه واقعي اكتر من الشونن و كمية المحتوي الجد او العنيف او المضطرب و الDark فيه بيكون عالي، لكن مش دايماً زي ما هنوضح تحت.
• السينن عادة يكون بطله في سن ال١٨ وما فوق لكن ده مش قانون نهائياً و في استثنائات كتير
• السينن عادة بيتوصف بالمواصافات اللي فوق لكن ده مش معناه ان السينن دايماً اكشن او فلسفي، في سينن درامي (زي sangatsu no lion) و سينن رياضي (one outs)، و حتي سينن كوميدي زي (Grand Blue

Sangatsu No Lion
Sangatsu No Lion

 \\\\\\————-//////

شوجو(Shoujo) :


• شوجو(معناها شابة صغيرة) بيطلق علي انمي موجهة للبنات ماباين سن ال ٨-١٨ (و بعد التعريفات بتقول من ٧-١٧ بس عامةً فالrange ده) 
• الشوجو عادة ما يكون قصة حب و انمي رومانسي عن بنت واقعة فالحب و غالباً يغلب عليه الطابع الرومانسي (مع بعض الاستثنائات الطفيفة)
• بطلة انمي الشوجو عادةً بتكون بنت سنها ١٥-١٨ (مع بعض الاستثنائات اللي بتكون اصغر فيه)
• الشوجو عادة لكن ليس دائماً يختلط معاه كوميديا و احياناً عناصر من الاكشن.
• الشوجو من اقل التصنيفات فالتنوع من حيث ان عدد كبير جداً من الانميات الشوچو عادة بتكون رومانسية و قليل جداً يكون اي تصنيف تاني.
•امثلة: Kamisama Hajimemashite
                     

Kamisama Hajimemashite
Kamisama Hajimemashite

\\\\\\———-//////

جوسي (Josei) :


• جوسي بيطلق علي انمي موجهة للبنات ماباين سن ال ١٥+(و بعد التعريفات بتقول من ١٨+ بس عامةً فالrange ده) 
• الجوسي عادة بيكون قصة رومانسية او فيها عناصر رومانسية كبيرة لكن علي عكس المثالية فرومانسية الشوجو الجوسي بتناقش الرومانسية من منطلق واقعي اكتر
• الجوسي مش ضروري يحتوي علي بطلة بنت زي الشوجو بل ساعات بيكون في انمي جوسي مفهوش بنات او في بنات لكن قليل جداً. 
• الجوسي عادة مش غريب عليه حاجات زي الخيانة و كتير يتميز بالدراما الشديدة (لكن طبعاً في استثنائات كتير)
• الجوسي ممكن يحتوي علي كوميديا و ممكن لا و احياناً يحتوي علي بعض عناصر الاكشن كمان.
• امثلة: Shouwa Genroku Rakugo Shinjuu, Honey and Clover

Shouwa Genroku Rakugo Shinjuu
Shouwa Genroku Rakugo Shinjuu

\\\\\\————-//////

شونن اي (Shounen ai)


• الشونن اي بيكون انمي يحتوي علي علاقة رومانسية و غير جسدية ماباين ولدين.
• دايماً بيكون رومانسي مع اي تصنيف تاني (او رومانسي بس)
• عادة موجه للبنات لكن مؤخراً بدا يلاقي شعبية ماباين الشواذ ايضاً.
• ممكن الواحد من اسم التصنيف انه يتوقع ان فيه تصنيف اسمه Seinen ai، لكن الواقع ان مفيش عشان هنا كلمة Shounen تعني ولد عامةً فاي مرحلة عمرية (اللغة اليابانية غريبة معلش استحملوها)

  \\\\\\————-//////

شوجو اي (Shoujo ai)


• ينطبق عليها كل اللي ينطبق عليه الشونن اي لكن بنات بدل ولاد.

\\\\\\————-//////

ياوي (Yaoi)


• نفس الشونن اي لكن العلاقة ماباين الولدين عادة تكون جسدية و عاطفية، بينما الشونن اي بتكون عاطفية بس.

\\\\\\————-//////

يوري (Yuri)


• نفس الياوي لكن للبنات.

\\\\\\————-//////

هارم (Harem)


• انميات الهارم بتتكون من ولد واحد محاط ببنات كتير، عادة معظمهم او كلهم بيحبوه.
• التصنيف ده يقبل معاه اي تصنيف تاني زي الاكشن و الكوميديا و النفسي و اياً كان.
• مثال: Saekano، Grisaia no kaijitsu

Saekano
Saekano

\\\\\\————-//////

ريڤيرس هارم (Reverse Harem)


• انميات الريڤرس هارم تتكون من بنت واحدة محاطة بولاد كتير و معظمهم او كلهم بيحبوها.
• زي الهارم ده بردو يقبل اي تصنيف تاني معاه.
• امثلة: Ouran Highschool Host Club

Ouran Highschool Host Club
Ouran Highschool Host Club

\\\\\\————-//////

و بكده ننهي مقال انهاردة و اول مقال من سلسلة “ناني؟”، لو حد عنده اي اقتراح او استفسار او راي ياريت يسيبه فالكومنتات تحت و هشوفه و ارد عليه فاسرع وقت.
شكراً.


Like it? Share with your friends!

0
46 shares

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win
QM

5 Comments

  1. ملحوظة: مفيش حاجة اسمها انمى فلسفى بل فى نفسى ، غموض الخ لكن انا فاهم انك تقصد بيتكلم عن مواضيع واقعية فلسفية

    عاوز المقال الجى يكون عن حاجة ليها علاقة بصناعة الإنمى أو المانجا ، المبيعات و مستوى فنى و الكلام ده هيتقسم على كذا مقال

    شكرا على المقال الجميل ده لو لو محتاجين أى مساعدة فى معلومات I’m here. ^^ :”

    1. اهلاً و شكراً علي تعليقك.

      احب اوضح حاجة، انت معاك حق ان الفلسفي مش تصنيف، لكنه Theme و يمكن ده كان قصدي، فيه انميات فلسفية من حيث انها مبنية علي مبدا فلسفي معين و بتناقشه، و انميات اخري نفسية من ناحية تركيزهم علي حالة الشخصية النفسية، ففعلاً عندك حق، الفلسفة مش تصنيف لكني اعتبره شبه نوع بردو من الانميات مختلف عن النفسي.

      و انا ممكن ابقي اعمل بوست عن صناعة الانمي قريباً لكن حالياً اعتقد هحاول الاول اغطي تعريفات فعالم الانمي و بعد ما اخلص السلسلة (٣ او ٤ مقالات) هنتقل للمنوعات منهم صناعة الانمي ان شاء الله. شكراً علي رايك.

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format