0

النهاردة هنتكلم عن أنمي محدش شافه غير “المخرج”، صحابه، ونفرين تانيين :”D.

الأنمي من أسمه تابع للسلسلة الشهيرة في اليابان، واللي تعتبر من كلاسكيات اليابان ألا وهي Lupin the third.

أولاً هنتكلم عن القصة:

الأنمي هنا بيتناول قصة شخصية “جانبية” من السلسلة الأساسية؛ ونتيجة لده إنقلبت الموازين في ترتيب الشخصيات في الأنمي.
فـشخصية Lupin اللي كانت هي الشخصية الرئيسية، بقت شخصية جانبية, وشخصية Mine Fujiko اللي كانت شخصية جانبية، بقت شخصية رئيسية وهي محور الأنمي أساساً.

المهم، بداية والأنمي بداية Eposidic بمعني إن كل حلقة بقصة منفصلة، أو تقدر تقول مغامرات شقية للشخصية في كل حلقة؛
وبالتالي يديك إحساس إنه أنمي عصابات، بوليسي، تقليدي.
المجرم فيه بيعمل مغامرة شقية مع رجال الشرطة، وفي الآخر المجرم بيهرب والقصة المعتادة اللي احنا عارفينها.

ولكن في الأنمي، ده الكاتب أتبع فيها حاجة ذكية جداً، وخلى
فيها ترابط بين الحلقات دي عن طريق ترابط
معطيات القصة والأحداث. حتي الحلقات اللي انت كنت بتشوفها ومستحيل تتوقع إن ليها معطى أو رابط بعدين، بتظهرلك ان حدثها كان أساسي في المحور الأساسي.

Lupin The Third

طريقة عرض القصة:

الأنمي زي ما قلنا كان باديء بمبدأ علي الهادي يا زبادي، ولكن بعدين مع التتابع الزمني للأحداث، بتلاقي الصراع بيكبر والخيوط بتتلاقي.
ويبدأ يظهرلك حاجات أكتر عن شخصية البطلة لحد ما نوصل للحلقة 9
وما بعدها من حلقات. اللي تركيزهم كله علي قصةوماضي شخصية البطلة.

الأسلوب المتبع ده بإنه يبني حلقات episodic، وبعدين يربطها ويخصها بالشخصية اللي هو بيتكلم عنها، شئ بيكون عظيم وبيبين مدي مهارة الكاتب بإنه يبهرك.
والحلقات كانوا قمة في الجمال وخصوصا الحلقة التانية واخر حلقتين في الانمي.

عيوب في القصة؟

في الحقيقة مقدرش أصيد حاجات كبيرة فيها، ولكن ممكن اللي كان يضايق شوية انه كان في بعض الاحيان cheesy (تافه) حبتين.
ولكن ككل القصة كانت جميلة، وازاي انه قدر يطوع شخصية جانبية كمحور قصة ويخليها بالشكل ده.

تقييم القصة: 8.5/10



تاني حاجة هنتكلم عن الشخصيات:


الشخصيات اللي هنا كانوا مثيرين للأهتمام حبتين وخصوصاً شخصية جيغين دايسكو ، اللي اكتر واحدة شدتني بصراحة. ولكن في بعض الأحيان كان بيعارض تكوين الشخصية وبيديها تصرفات، وافعال لا تتناسب معاها.


شخصية لوبين الشخصية الكلاسيكية المعتادة، المحبوبة و الظريفة.
زي شخصية سبايك في كاوبوي بيبوب، وشخصية داندي في انمي
سبييس داندي.


شخصية ماين فوجيكو فعلاً اللي الكاتب أبدع فيها، في الاول اظهرها بشخصية ال bad cat girl اللي بتحب السرقة، الجريمة،
وانها تhave sex وخلاص.  شخصية ليها اكتر من جانب وليها تركيبة مميزة. في إنها ازاي بتهرب من ماضيها او بتحاول تدفنه.
وفي “الاخر” بيبان الابداع في الشخصية دي اكتر.


ومن اكتر الشخصيات اللي عجبتني برضو كانت شخصية أوسكار مساعد المفتش. اللي كانت شخصية فعلاً معقدة، واهتمامتها واهدافها تبينلك شئ من الطبيعة البشرية.
والماضي بتاعه بالرغم انه كان كله علي بعضه 5 دقايق، ولكن الكاتب من خلاله قدر يوضح حاجات كتير.

تقييم الشخصيات: 8/10


الرسم و الموسيقى:

ودي تعتبر من أكبر مميزات الأنمي، اللي بيظهر فيها
الاسلوب ال artistic (الجمالي)وإبداع الاستوديو فيه.
ولكني مندهشتش لما لقيت ان يواسا هو المسؤول عن
ال key animation بتاع الانمي؛ لإن يواسا معروف بالاسلوب
الجمالي في الرسم الغريب والعجيب.
زي ما شوفنا في بينج بونج، وتاتامي جالاكسي وغيرهم من اعماله المتميزة برسمهم الفريد.

وبرضو لما بصيت اكتر،لقيت ان واتانبي شينشيرو هو ال المُنتج.
واللي ميعرفش مين ده يبقي فايته كتير. ده مخرج كاوبوي بيبوب، وسبييس داندي، وساموراي تشامبلوا وكل ما هو روش في عالم الانمي الياباني ف كان لازم بصمته تبان.


الساوندتراك كان عظيم عظيم عظيم. ولقيت صدفة عظيمة (للمرة التالتة) ان المسؤول عن الساوندتراك هو هو اللي عامل موسيقي جاندام ثاندربولت.
ويبقي كدا القاسم المشترك بين الاتنين ان عندهم نفس عظمة الساوندتراك.

تقييم الرسم و الساوندتراك: 10/10


في النهاية، الأنمي مليان nudity ف تخلي بالك وانت بتشوفه لحد من العائلة الكريمة يشوف ال ART ده هه.

الأنمي ده ميستناش، يخلص في قعدة واحدة بالكتير 13 حلقة ولكنهم قمة المتعة والجمال

تقييم نهائي: 9 من 10


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
1
geeky
love love
4
love
lol lol
0
lol
omg omg
0
omg
win win
0
win
Omar

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format