0
84 shares

بتتكلم قصة Kuchuu Buranko عن طبيب نفسي “psychiatrist
في مستشفي بيعالج أمراض نفسية للعيانين اللي بيجوا ليه.
من الوهلة الأولي هتقدر تستنتج إن الأنمي episodic، أي بمعني حالة مرضية والعلاج بتاعها بيتم في حلقة والسلام عليكم.
أو على الأقل، هتكون فاكر كدة في الأول.

ولكن الحقيقة إنه مع تتابع الحلقات، بتبدأ الخيوط تتقارب حوالين بعضها و بتبدأ تظهر تشابكات بين الحلقات وتداخلات زمنية.

أي بمعني، ان كل الحالات بتتعالج بتزامن، ولكن اللي بيحصل في كل حلقة إنه بيفصل المسار الزمني لكل حالة مرضية وبيرجع و يتحكم في مجري الزمن بإنه يركز عليها. و هتلاحظ إنه بتظهر مع مرور الحلقات حاجة زي Easter eggs للحالات التانية وتبدا الدنيا تتفتح معاك.

ولكن هل التداخل والتشابك ده لمجرد الروشنة والتزامن؟
لا طبعاً هيظهر إن لكل حالة التأثير علي التانية وكل ده بنسق محدد.



مِن النقط التانية اللي تحسب للأنمي إن فيه commentary “تعليق” مِن قبل طبيب نفسي حقيقي بيتدخل وبيشرحلك المرض النفسي علشان يكون عندك خلفية عن اللي بيحصل ومتبقاش زي الأهبل في الزفة.
بل كمان بيوضح الحاجات الغريبة علشان انت طبعًا مشاهد طبيعي، والطب النفسي لا يمت ليك بصلة.

ولكن بعض ال drawbacks أو “العيوب” اللي كانت مضايقاني، إنه فيه مرض زي ال obsessive compulsive disorder المعروف بـأسم” الوسواس القهري
كان مبالغ في عدد حالاته لدرجة إن كان فيه تلات أو اربع حالات بالحالة دي ومشوفناش حالات تانية غير:


panic disorder (1
” الرهاب” أو ” إضطراب الهلع”

2) Narcissistic Personality Disorder ” إضطراب الشخصية النرجسية”

3) Yips ” مرض توقف الأطراف” 

4) Insomnia “إضطراب النوم” 

أي بمعدل 5 أمراض في 11 حلقة.
كنت أتمني يكونوا أكتر من كدا ولكن الكاتب خفف شوية من التكرارية بتاعة مرض الوسواس القهري بإنه عرض كذا نوع ليه. بس تظل المشكلة قائمة.

No photo description available.


تحليل شخصيات Kuchuu Buranko

شخصية الدكتور كانت فريدة من نوعها وغريبة ولكنها تناسب انمي artistic.
علشان كد مجابش شخصية دكتور عادي لإن هيبقي معملش جديد، وهيمشي علي نفس النمطية.
و بكدة تركيبته كانت ممتازة و مسلية. غير قدرتها على إنها تشد الإنتباه و تبقى شخصية مش بتكرر.
من الظريف في الأنمي إن الدكتور كان عنده مرض نفسي بيخليه يحب يشوف ألم الآخرين.
مش عارف أوصف دي بسادية او ماسوشية ولكن الموضوع كان بسيط لإنه كان بيحب يشوف العيانين يضربوا بالحقن؛ وعلشان كدا كان بيدي جرعات عشوائية بالفيتامينات لأي مريض يجي عنده :”D


شخصية الممرضة كانت عادية و ظاهرة لينا على هيئة واحدة سادية.
مظهرتش الممرضة بالشكل الـ animated المعتاد، بل بالمنظر الحقيقي بتاعها نظراً لتفاصيلها العظيمة واللي مينفعش تتوصف بالأنميشن :””D 
شخصية العيانين مش محتاج اوصفها لإن دي وظيفة الأنمي انه ياخدها ويوصفها ويعالجها من أمراضها

Image may contain: 1 person


الرسم، التحريك، و الموسيقى


من أهم مميزات الأنمي هي الأنميشن المميز والغريب.
تحسه علامة مميزة ليه زي أنميات تاتامي جالاكسي وبينج بونج.
وهكذا نقدر نقول إن الأنميشن كان Eye candy تستمتع أنك تبص ليه.
طبعًا بالإضافة إلى تزاهي الألوان وتناسقها وغرابة التصميم وإلخ…
ستوديو توي تفوق علي نفسه في أنميشن الأنمي ده ودي نقطة تتحسب للأستوديو بكل أمانة.

الساوندتراك كان جميل جداً ومناسب للموقف اللي بيحصل ومناسب لجو الغرابة و الضغوط اللي كانت الشخصيات المريضة بتتعرضلها. نقدر نأكدلك إن الملحن كان عنده رؤية حلوة في إختيار الموسيقي.


التقييم النهائي

أنمي Kuchuu Buranko هو أنمي عظيم. والميزة الأكبر إنه 11 حلقة (حوالي 3 ساعات وأربعين دقيقة) يعني تخلصه في قعدة.
تجربة مميزة وعظيمة ومستحيل تتنسي، تنفع في أي وقت وأي زمان سواء للي مهتمين بالطب النفسي أو اللي مش مهتمين؛ لإن فيه زي ما قولنا دكتور حقيقي بيعلق علي الحالات وبيوضحلك الحاجات اللي مش مفهومة والموضوع هيكون بسيط جدًا بالنسبالك.
التقييم النهائي للأنمي : 9/10



Like it? Share with your friends!

0
84 shares

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format