0

في الأول خالص قبل ما نتكلم علي الأنمي، لازم نعرف إنه جزء من ثلاثية.
ولكن الثلاثية دي مش ثلاثية كإرتباط قصة، أو شخصيات، ولا حتي أحداث،
إنما إرتباط عن طريق مصمم الشخصيات واللي أسمه Abe Yoshitoshi
وعلشان كدا بتتسمي ساعات بثلاثية Abe.
ولكن أنت دلوقتي هتشوف الموضوع تافه، وهتقول:

وإيه يعني مصمم الشخصيات واحد؟! فين الإرتباط الرهيب يعني؟!

الإرتباط

الإرتباط الرهيب يا معلم إن الثلاثية بتتكون من تلات أنميات، ومنهم الأنمي اللي هنتكلم عليه النهاردة، وأنمي Serial Experiments Lain، وأنمي Texhnolyze; فـهنا هقولك الإرتباط الرهيب.

كل أنمي من التلاتة دول بيتكلم عن فكرة من تلات أفكار: الروح، والجسد، والعقل.
أنمي Haibane Renmei بيتكلم عن الروح، وبيغوص في تفاصيلها وأسئلتها.
وأنمي Texhnolyze بيتكلم عن الجسد، وبيتناول الفكرة بطريقة فلسفية طبقية.
وأنمي Serial Experiments Lain بيتناول فكرة العقل، وبيتم ربطها بالتكنولوجيا.


ف هنا الثلاثية شملت جميع أجزاء الإنسان: جسمه، وعقله، وروحه.

بداية الأنمي

بيبدأ الأنمي وبيفتتحلك المؤلف بإطار فانتازي، عن كائنات بتتولد بأجنحة وعايشين في قرية محوطاها جدران.
بتتولد بنت كدا وبتطلع من “شرنقتها”، وهي مش فاكرة أي حاجة؛
وبالتالي مش قادرة تفهم العالم اللي هي عايشة فيه.
بتحاول تتكيف مع الوضع اللي هي فيه، بس فيه قوانين صارمة إن محدش يطلع برا القرية، أو حتي يقرب علي الجدران.
ومن هنا تبتدي رحلة الشك، والسؤال، أو بالمعني البلدي
“كيف بدأ الخلق”، أو بمعناهم هم “إحنا مين”، “وجينا إزاي”.
وغيرها من الأسئلة الموجهة لكشف الغموض، ومن هنا يبتدي الأنمي.


في البداية الناس لما تشوف أول حلقة ممكن تشك إن الموضوع فيه معني ديني؛ إن الشخصيات ليها أجنحة، وفيه هالة فوق راسهم.
ده ممكن يرمز لحاجة دينية سواء لملاك، أو لأي حاجة تاني.
ولكن اللي قطع الشك باليقين إن Abe، بيقول إن تصميم شخصياته كان لغرض “جمالي” فقط، والدين ملوش علاقة من بعيد أو قريب.


الأول هنا هنبدأ كلامنا عن القصة:
القصة هنا زي ما شرحنا العالم بتاعها فوق بتضم كمية شخصيات بالكتير حوالي 13 شخصية بس. والشخصيات اللي بيتم التركيز عليهم هنا بشكل فعلي، وبيتم دراستهم، وتحليلهم بشكل مكثف علي مدار حلقات الأنمي هم شخصيتين أو تلاتة.
فده هيدي مساحة للمشاهد يفهم الموضوع اللي بيتكلم عنه الأنمي بشكل أوضح، وأفضل بكتير؛ لإن طريقة السرد هتبقي عن طريق مجموعة أسئلة ومواقف بتتعرض ليها الشخصيات، وبيتجاوب عليها من خلال تفاعل الشخصيات مع بعضها.
ودي أفضل طريقة لو موضوع الأنمي فيه سنة من العمق، أو قول الفلسفة؛ علشان زي ما قلنا الأنمي بيتكلم عن فكرة حساسة.
فحكاية إنه يسردلك الموضوع عن طريق حاجة مش تفاعلية بين شخصية والتانية هتكون تقيلة علي المشاهد.
وساعات بتخلي الإنسان يمل، لإنه هيحس ان ده مش عمل ترفيهي بل كتاب أكاديمي وبيتشرحله.
والنظام ده متبع في معظم الأنميات اللي ليها فكرة فلسفية، زي إيرجو بروكسي، إيفانجليون، وغيرهم.



فـهنا المؤلف بيديك فكرة، وبيشرحها علي شخصيات. وأنت بمدي تقدمك في الأنمي، هتشوف مشاكلهم وعواطفهم، وهتتأثر، تشارك، وتتعاطف بمحاذاة الشخصيات دي، وبالتالي الفكرة هتوصلك كاملة.

والقصة هنا هتبتدي وهتنتهي وفيه حاجات مش مفهومة،
بس هل ده عيب؟ طبعاً لأ!
لإن هنا المؤلف مش مدي أهمية مثلاً لفكرة زي إن الكائنات دي جت منين، هو مش عايزك تركز في الجانب ده، هو بس استغله علشان يبني العالم بتاعه.
وإنما هو عايزك تبص للفكرة اللي هو عايز يعرضها. كون المشاهد عرف الكائنات دي جت منين، أو مجتش مش هيفيد الفكرة اللي المؤلف اللي عايز يوصلها.
فهو تعمد يهمل الحاجات اللي زي دي، ويصب تركيزه كله علي دراسة الشخصية وتحليلها.

نسق الأنمي


الأنمي ماشي بنسق بطئ بمعني بطئ، زي ما بيكون واحد بيحلم كدا، والدنيا بالنسباله هادية، وغير مفهومة.
المؤلف قاصد يمشي بالنسق والاجواء دي، علشان يديك إحساس بالروحانية، أو الشعور بالإحساس . لإن الروحانية ممكن مش كلمة سليمة.


Like it? Share with your friends!

0

What's Your Reaction?

hate hate
0
hate
confused confused
2
confused
fail fail
1
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format