0

رحلة قصيرة عبارة عن OVA من 6 حلقات أي حوالي ساعتين زمن، بيتم فيه استعراض غريب، وعجيب لمغامرة فريدة، وغير مألوفة لمناقشة قضايا المراهقة، والبلوغ وما خلافه.
الأنمي من إنتاج ستوديو
Gainax في سنة 2000.

نبتدي أول حاجة بالقصة:
بيتكلم عن ولد في سن المراهقة أخوه سافر علشان يبقي لاعب بيسبول محترف في أمريكا، بيقابل واحدة راكبة “فزبة” ومعاها جيتار، بتخبط فيه; وبتسببله قرن كبير كدا في راسه، والبنت دي بتقرر تعيش معاه في البيت; وتبتدي مغامرة عجيبة، وغريبة.


من اللي أتقال كدا تحس مفيش حاجة راكبة علي بعض، إيه علاقة واد أخوه سافر، وسابه وحيد، بنت راكبة فزبة، بالقرن، بالمغامرة العجيبة.


من الحاجات اللي تحسب للكاتب إن بالرغم من الحاجات المتناقضة، واللي مش راكبة علي بعضها دي; هو إن قدر يوازنهم مع بعض، ويحافظ علي موضوعه الأصلي، وهي مناقشة قضية البلوغ، ومشاكلها مع المراهقين، اللي الكاتب تناولها بشكل أكتر من ممتاز; وبالرغم من أهمية القضية، والمشكلة دي; إلا إن الكاتب قدر يتناولها في حوالي ساعتين بس.


قدر من خلال ال6 حلقات دول يناقش مشاعر البطل من إن ازاي أخوه سابه وحيد، ومفيش حاجة في حياته تعتبر بتحصل، وإن إزاي مرحلة إنتقالية زي دي كانت ليها جوانبها علي نفسيته، وتفكيره.
الكاتب قدر يطوع عنصر الخيال، ويعمل صورة زي المراية بالفانتازيا، للحياة في مرحلة المراهقة، والبلوغ ويعكسها، ويصور عشوائيتها، وتضارب المشاعر، والإنفعالات، والتفكير في المرحلة دي، ف كانت غرابة الأنمي إنعكاس للحياة في السن ده.


فهنا الأحداث السريعة، والغريبة، والمجنونة، والسريعة هتعكسلك صورة للحياة اللي بنعيشها، وإن إزاي هي قابلة للتغير، والتطور بسرعة، وفي نفس الوقت بيعكس بساطة الحياة من خلال بساطة العناصر اللي قدامك، ف شوية خيوط صغيرة الكاتب قدر يعملك حاجات كتير، غريبة، بالظبط زي الحياة اللي بتلاقيها بتاخد منحني غريب ومجنون مرة واحدة.


ف أكبر نقطة قوة للأنمي دي هي قصته اللي تقدر تفهمها وتربطها للواقع بتاعك، بالرغم من فانتازيتها، وجنونها، وغرابتها في ظاهرها بتبان قصة خيالية 100%، ولك مع إندماجك وتقبلك للجنون، والغرابة، والطاقة دي بتقدر تستوعب إن دي هي حياتك في فترة البلوغ.
تقييم 9\10

تاني حاجة هنتكلم عنها هي الشخصيات:

وعلشان الأنمي بيناقش قضية واقعية، وتخصك كمشاهد ف كان لازم يركب شخصيات بعناصر تقدر تفهمها، وتربطها أنت ليك.


فالكاتب قدر يعمل شخصيات تقدر تركب شخصيتك أنت عليها، وتعيش أنت بنفسك المغامرة، وبالتالي هتقدر تتشبع المغامرة، والرحلة كاملة، ومن خلال كدا فكرة الكاتب والموضوع اللي عايز يوصله ليك هتفهمه كاملاً.


وده تحقق مع شخصية البطل اللي شخصيته تقدر نعتبرها شخصية، مش متحددة أوي بل شخصية ممكن تمثل أي حد فينا في المرحلة العمرية دي، الشخصية اللي تحس بالفراغ، وعدم الأهمية، والحيرة، والتخبط، والتردد، الشخصية اللي بتحاول تتخطي فترة معينة ولكنها مش قادرة ومحشورة في النص; ف الشخصية دي كانت مثالية إنها تتوافق مع أي حد بيتفرج إنه يفهمها، ويحسها، ويحط نفسه مكانها، ويعيش مغامرتها وأفكارها.


وباقي الشخصيات من بالغين الكاتب حطهم حواليه عززوا الموضوع ده، وعززوا فكرة إن إزاي أنت “تنضج” مش من الناحية البدنية، بل من الناحية الفكرية، وتنتقل من مرحلة للتانية شئ صعب، ومش سهل إنه يتعمل، والمرحلة دي بتكون مصحوبة بتوابع كتير.


فكان إستخدام الكاتب للشخصيات زي استخدامه للقصة، كله لتعزيز الموضوع اللي هو بيتكلم عليه، وبيحاول يوصله.
تقييم 8\10

تالت حاجة هنتكلم عنها هي الأنميشن والساوندتراك:

ودي تعتبر أقوي نقطة للكاتب بعد القصة، فالأنميشن مكانش تقليدي أبداً، بينوع بالأدوات المختلفة، من السرد، والوصف بهدف خلق جو غريب زي القصة بتاعته.
فكان هناك ستايل الرسم المميز، واللي نقدر نقول عليه بيتميز بيه ستوديو 
Gainax بشكل خاص، وكان بينفذ في أكتر من أنمي ليه.

ف الاستايل المميز ده كان بيضيف لتميز القصة أكتر، وبجانب الاستايل كانت هناك أدوات السرد فمعتمدش علي أسلوب سردي معين.


فمثلاً كان بيستخدم أسلوب المانجا بالمعني الحرفي، كان بيجيب بانلز ويحركها وفيها أداء صوتي في بعض المشاهد، ساعات كان بيستخدم راوي، ساعات كان بيستخدم الاسلوب التقليدي.


فكان الأنميشن شئ سهل إنك تتقبله، وتستمتع بيه، وتحبه وكان أداة مهمة لإنه يدفع الملل عنك بالتنويع وجذب الإنتباه.


وتاني نقطة هي الموسيقي، واللي كان استخدامها مش محدد، فكانت الموسيقي بتتحط حسب الجو السائد للحلقة، وكان الإعتماد الأساسي علي موسيقي الروك في الحلقات، ف مكانتش هناك تراكات ثابتة، ومعينة بتستخدم بل علي حسب الموقف، والمشهد فيه موسيقي بتشتغل ليها نفس إحساس المشهد.


وإختيار موسيقي الروك بالذات لإن الأنمي ده يستهدف المراهقين، والشباب ف موسيقي الروك فيها، الإحساس بالطاقة والإندفاع، وبعض من العشوائية في رتمها، واللي بتدي نفس الإحساس الصاخب، المندفع الملئ بالطاقة بتاع الأنمي
تقييم 9\10

في المجمل الأنمي يعتبر رحلة مميزة، وقصيرة تتاخد في قعدة ساعتين، هتشوف حاجة من أغرب الحاجات اللي ممكن تشوفها، هتسمتع وفي نفس الوقت هتاخد رسالة ليها علاقة بيك، وبحياتك، ولو حتي مش مهتم بجو المدرسة، والمعاني والرسايل ده فالأنمي بيقدم كمية متعة كبيرة جداً، في كل حلقة عينك علي الأنميشن الجميل، والمميز، عقلك مع كمية الأحداث الغريبة اللي بتحصل، وحتي ودنك مع الموسيقي التصويرية الجميلة اللي شغالة.
ف بعتبر الأنمي ده من أكتر الأنميات اللي استمتعت بيها ورحلة لازم كل واحد يخوضها
تقييم نهائي 8.5\10




Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
2
love
lol lol
0
lol
omg omg
0
omg
win win
1
win

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format