0

الاسم: Neon Genesis Evangelion 
الأستوديو : Gainax 
مدة العرض :4 أكتوبر , 1995 الي 27 مارس , 1996
التصنيف : Action, Sci-Fi, Dementia, Psychological, Drama, Mecha
عدد الحلقات : 26 

القصة:

 
في عام 2000 تقع الكارثة العظمى, و يحصل انفجار مدوي يتسبب; في دمار, و خراب أغلب بقاع الأرض. و يفنى نصف تعداد الجنس البشري، القطب الشمالي يتعرض للذوبان; مما يتسبب في زيادة منسوب المياه, و الكوارث البشرية في كل مكان.
هذه الحادثة التاريخية عرفت بـSecond Impact, أو التأثير الثاني ( يبدو أن آنّو كان متأثرا بتنبؤات نهاية العالم عام 2000 التي كانت متداولة كثيرا في التسعينات ).
حسنا بعد ذلك بأعوام, و تحديدا في 2015 تبدأ حكايتنا. مدينة طوكيو-3 المتطورة, هي ما تبقى من اليابان, و لكن مهلا فهي ليست مدينة عادية على الإطلاق, بل تبدو أشبه بالحصون العسكرية، حيث تظهر مخلوقات يطلق عليها اسم Angels ,أو الملائكة و تبدأ بالهجوم على هذه المدينة تحديدا، ولأن الأسلحة العادية لا تؤثر بها إطلاقا; يقوم اتحاد مكوّن من عدة دول بتأسيس منظمة تدعى NERV، هذه المنظمة هي خط الدفاع الأخير للبشرية ضد المعتدين و تستخدم في القتال آليات “إيفانجليون” المتطورة.

أولاً: زي ما إحنا عارفين إن أنميات الميكا (اللي فيها آلات مقاتلة), كانت ماشية بنسق تقليدي واحد, مفيش تغيير فيه.
وعلشان نفهم “النسق التقليدي” خلينا أحكيلكم حدوتة شقية صغيرة:
كان يا مكان, طفل صغير حبوب أسمع عبدالعليم, الولا عبدالعليم-كن لقي فجأة آلة ضخمة عملاقة, هوب ركب فيها, هوب تاني لقي وحوش, أرتدي البطل عبدالعليم رداء الشجاعة, وقلبه أصبح قلب الأسود, وأخذ ضربا في الوحوش الشريرة, المفترية, وهوب هوب ضربة من هنا لضربة من هناك, وأنتصر عبدالعليم-كن وبجانبه حمدية-تشان تقول له ” أوميديتو عبدالعليم-كن لقد أنقذت البشرية من الوحوش الأشرار”, وعاش عبدالعليم-كن في سبات, وهناء, وأتجوز حمدية-تشان, وخلفوا صبيان, وبنات وخلصت الحدوتة.


المهم اللي نفهمه من قصة “عبدالعليم-كن”, الفارس, المغوار; إن قصته كانت الأساس بتاع 90% من أنميات الميكا, وتصميمات الآلات حتي كان ماشي بنسق تقليدي اللي هو الالات الضخمة زي بتاعة الجاندم وما شابهها من التكرارية اللي شهدتها الفترة الجامدة في التصنيف ده.

المهم جيه المعلم آنو هيديكي عمل حاجة جديدة, بدل ما يمشي علي نسق قصص “عبدالعليم-كن”, أضاف لقصته العمق, والتركيز علي الجوانب النفسية, والجوانب الفنية الأخري, وأهتم بالحبكة, وأهتم بالترميزات, وأهتم بنقاش القضايا الإنسانية, ومن الواضح إنه دارس في الديانات المختلفة; علشان القصة كان فيها عدد غير قليل من الإقتباسات الدينية زي المسيحية واليهودية.

المهم في إيفانجليون تصميم فيه المركبات الآلية كان جديد, وستايل حلو. القتالات كانت حلوة, وكانت مرتكزة علي إظهار ردود الفعل النفسية للركاب بتوع الإيفا.
إذا فالقتالات كانت بمعني إظهار الردود النفسية, وإظهار الأيدولوجيات اللي بيفكر بيها الأبطال في الإيفت, ومشاكلهم, وجوانبهم النفسية, وأبعاد شخصياتهم.

المهم قصة إيفانجليون أحدثت جدل كبير في الوسط لما نزل, وكان الجدل كبير جدا لتفسير القصة, وتحليها ومناقشتها. وإيفانجليون يعتبر من أكتر الأعمال جدلا علي مر التاريخ.
طب ليه مش بنسمع إحنا العرب بحاجة زي إيفانجليون ؟ الرد بسيط علشان إحنا مجتمع (بليبات), بمعني إن الوسط العربي مجتمع يميل إلي الأعمال السطحية.
ولكن ده مش معناه إن إيفانجليون كان حاجة فاشلة, لا بالعكس لإنه يعتبر أكتر عمل فني ياباني تحقيقا للشهرة, والنجاح في أمريكا, وأوروبا, وواخد مركز في أكتر الأنميات مبيعا علي مر التاريخ.

لو واحد سألني: أنا شوفت إيفانجليون ومفهمتوش كله فهمت شوية ومش فاهم الباقي أعمل إيه؟” أقوله مفيش مشاكل إيفانجليون من الأعمال اللي كل ما تعيد فيها أكتر, تكتشف حاجات أعمق وأكتر بكتير. 
المهم قصة إيفانجليون بعتبرها من أعظم القصص اللي ممكن تتشاف حرفيا وملهاش دعوة ب “مغامرات عبدالعليم-كن” وفيها كميات فلسفات وجوانب فنية حاجة عظيمة. 
إفهم الفن.
شوف الحاجة اللي تحترم عقلك.
متبقاش بليب.
شوف إيفانجليون.
تقييمي للقصة 10/10



الشخصيات:

كما رأينا في “مغامرات عبدالعليم-كن” الفارس, المغوار, الشجاع البتار الذي يقتل الوحوش بدون هوا…… ستووووووب يبني إيه ده؟ مفيش شخصية في الواقع بالكلام ده. مفيش شخصية طفل عمره لسة موصلش لـ 18 سنة, هيركب مركبة عملاقة ويقتل وحوش وهو مرتدي رداء الشجاعة, ويقتل, ويمزق في الوحوش. 
العديد من الناس بتخلط بين “قوة الشخصية”, و “مدي شجاعة الشخصية”, ومدي قدرتها علي انها تكون (badass), بص يا باشا شخصية عبدالعليم-كن مستحيلة واقعيا, وشخصية من الكون السابع في الخيال, وملهاش اي بعد كتابي, او عمق فني.

طب المهم طب إيه الشخصية اللي كتابتها كويسة وليها عمق فني؟
بص يا باشا شخصيات إيفانجليون أكلمها, وجميعها بتمثل شئ من النفس الإنسانية. 

شينجي, كمثال طفل 14 سنة مشافش أبوه خالص, ويعتبر شبه متخلي عنه, شينجي ده أمه ماتت وهو وصغير. مرة واحدة أبوه ده اللي يعتبر إكلينيكيا متخلي عنه, قاله تعالي إركب روبوت عملاق قاتل بيه وحوش تسمي الملائكة.
طبعا الإنسان اللي متعود علي الهبل, والزيطة, مستنيين إن شينجي يركب الروبوت ده ويفشخ في الوحوش.
بص يا باشا عمك شينجي ده تعاقيد الدنيا, والأمراض النفسية الناتجة عن الوحدة.
فيه تخيل أبوك يهجرك 14 سنة وفي مرة يحتاجك, مش علشان عايز يشوفك, لا ده علشان يستغلك; بسبب ان مركبات الايفانجليون لا يستطيع قيادتها الا الاطفال اللي تقريبا في السن ده.
شينجي انسان عادي مكتئب مش فارقة معاه حياة, او موت قالك انا مالي ومال البشرية ما تعيش ولا تموت. طبعا شينجي بعد اول مهمة بالايفانجليون والنصر الساحق لقي كلمات تشجيعية من ابوه, شينجي بقي فرحان بالكلام ده, ومستني اي كلمة من ابوه, مستني اي مدح محتاج بس ان ابوه يديله اهتمام. 

ومن الحاجات اللي الناس بتخلط بينها دايما برضو هي تطور الشخصية, وزيادة قوة الشخصية. بص يا ابو البشوات, تطور الشخصية ملوش اي ستين علاقة بزيادة قوة الشخصية.
المقصود من تطور الشخصية هو تغير جوانيها النفسية, وتغير او تعديل في ايدولوجيات تفكيرها. زيادة القوة ده ملهوش علاقة ببعيد, او من قريب. ف انت متقولش هو شينجي ده جبان علطول, وخايف علي طول الانمي ف علشان كدا شخصيته متتطورتش. ده الكلام اللي يطلع من انسان حاطط شبشب بدل عقله.
شخصيات إيفانجليون كتير, ومتنوعين, وكل شخصية فيهم فيها عمق فلسفي وجودة كتابة كبيرة وأقرب شخصيات أنمي للواقعية
تقييمي للشخصيات 10/10 


الساوندتراك والرسم:

الانمي ده من أستوديو gainax ,اللي كلنا عارفينه, طبعا الرسم بتاع ايفانجليون مقبول ومفيهوش اي حاجة تدعونا إننا نعيبه في حاجة, وخلي بالك إن الميزانية كانت قليلة للأستوديو ف كتر خيرهم إنهم طلعوا الرسم كدا. 
الساوندتراك في ساعات كنت بحسه عظيم, وفي ساعات مكنتش بحس بيه يعني تقدر تقول أهو مقضي الحال بس فيها كام ساوندتراك كانوا عظمة علي عظمة.
تقييمي للرسم والساوندتراك 8/10 


الإستمتاع :

الحكاية دي نسبية بتختلف حسب الشخص, من التاني.
ف أنا هتكلم علي نفسي بما إن راجل بيعشق الجو الكئيب الفلسفي, النفسي اللي مليان تعقيدات, وبحب أفكر دايما, وأنا بشوف الحاجة, وبتبهرني ال plot twists العبقرية والغموض والمتسلسل علي احداث الانمي, وتفرقة اجزاء القصة علي طول الحلقات, وربطهم ببعض بشئ صغير وانت تجمع كل ده بالنسبالي متعة مضاعفة. 
نتكلم بقي علي الجماعة اللي مستنين إن الأنمي عبارة عن ناس بتاكل الحديد, وكلهم (badass), وناس شخصيات باردة, ومش بيهمهم اي حد, وبيخبطوا في اي مخلوق, وجو اولاد سليم اللبانين.
بصوا انا شرحت القصة, والشخصيات وانهم كلهم بيميلوا للواقعية, والفلسفية, ومناقشة النفسية الانسانية; يعني مش هتلاقي شوية معارك سطحية, ونهاية وردية, وكله زالفل وابيض يا لبن
تقييمي للإستمتاع 10/10




التقييم الكلي :
Neon Genesis Evangelion 9/10 
The End Of Evangelion 10/10 









Like it? Share with your friends!

0

What's Your Reaction?

hate hate
2
hate
confused confused
1
confused
fail fail
1
fail
fun fun
0
fun
geeky geeky
1
geeky
love love
13
love
lol lol
3
lol
omg omg
1
omg
win win
3
win

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format