0

أول حاجة قبل ما نتكلم، هنقسم التقرير شقين: الشق الأول هنتكلم فيه عن الموسم الأول، وفي الشق التاني هنتكلم عن الموسم التاني؛ نظراً لتقسيمة الفصول فيهم والمواضيع، وبرضو نظراً لفرق المستوي بينهم.

أولاً: تعريف بسيط بالأنمي

الأنمي مقتبس من مانجا من رسم Chiba Tetsuya,وتأليف Kajiwara Ikki في سنة 1968بعنوان Ashita no Joe.
علشان تكون بكدا تالت أقدم مانجا رياضية في تاريخ اليابان بعد Sakura Namiki، وKyojin no Hoshi.
ولكن تعتبر هي الإنطلاقة الفعلية للمانجا الرياضية في اليابان،و تعتبر كمان الأب الروحي للمانجا الرياضية اللي جات بعدها.
ولعل أشهر مانجا متأثرة بأشيتا نو جو هي Hajime no Ippo.


Hajime no Ippo

Kajiwara Ikki


 Chiba, Tetsuya


أولاً هنتكلم عن الموسم الأول:

الجزء الحقيقة بيبدأ بداية قد يحسها البعض تقليدية، إزاي؟
إن مثلاً البطل عيل لسة ميح علي أبيض وملوش فيها (الملاكمة أقصد).
وبعدين يقابل حد كبير وخبرة ويبدأ يعلمه، ويكتشف فيه إن الواد عنده موهبة مش عند حد تاني.
حاجة زي أنميات الشونين اللي زي ناروتو وبليتش مثلاً من ناحية إن البطل عنده “قوة كامنة”.


ولكن اللي خفف من حدة الوضع هنا; إنها مكانتش قوة كامنة أو مكانتش حاجة “لا تقهر”. بمعني إن الكاتب لعب الموضوع صح.
خلاها مجرد “موهبة” حتي لو كانت مبالغ فيها. كان مخليها قابلة للتطور بحيث تناسب جريان قصته. طبعًا عن طريق إنه يبتدع مواقف وأحداث وشخصيات، تساعد البطل بتاعه إنه يتطور من حيث شخصيته ومهارته.


وده ساعدها إنه يوصل بالقصة لذروتها, ويقدر من خلال عامل بسيط، ويكاد يعتبر غير مبتكر، إنه يخلق عمل يرضيه هو “أولاً”، ويرضي المجلة ده “ثانياً”، ويرضي جمهوره وده الشئ الأساسي.


بعض العيوب و الهفوات

ولكن ده مكانش بشكل مثالي بالتأكيد.
بمعني إن فيه هفوات مش قليلة في أول جزء، وأنت نفسك هتلاحظ المشاكل دي.
من ناحية إن فيه بعض المواقف بتكون مبالغ فيها جدًا!
زي إن جو بيكون عنده قدرة تحمل قد لا تكون واقعية.
بإنه يوقع مرات كتير جداً ويقوم بعدها عادي، في لحظة مشابهة للحظات فايري تايل وقوة الصداقة والعزيمة، وغيرها من المصطلحات الهلامية غير الواقعية.
من الحاجات اللي تعيب الجزء ده برضو، إن الAnimation كان في أغلب الوقت جودته رديئة بدرجة كبيرة.. مش قصدي علشان هو قديم وبتاع، لا اقصد إنه رسم التعابير نفسها والشخصيات كان علي درجة سيئة وغير معبرة وساعات كانت بتفصلني.
ولكن المشكلة دي إتحلت في الجزء التاني. المستوي في الرسم والتحريك إتغير 180 درجة.
زي ما كل حاجة اتغيرت فيه واللي هنذكرها بعدين لما يجي وقت الجزء التاني.

و أخيرًا….

الجزء مكانش وحش إطلاقاً بالرغم من كدا، بالعكس كان ممتاز وسلس كدا في المشاهدة ومش بيخليك تمل وانت بتتفرج.
بمعني إن المؤلف لعبها صح ودي النقطة الفاصلة في أي أنمي رياضي.


انسى كل حاجة عن القصة والشخصيات والأحداث دلوقتي، الأهم من ده كله في الأنمي الرياضي إزاي المؤلف يقدر يخلي ال flow (جريان) بتاع الأحداث والمواقف يشدك وميفصلكش.
ده المهم في الأنمي الرياضي، لإنك في لحظة انت مش مهتم بالحدث اللي بعد كدا في الأنمي الرياضي يبقي خلاص كدا شكراً مستحيل تقدر تكمله.

نصيحة مهمة!!

قبل ما تتفرج نصيحة هتوفر عليك 26 حلقة: اتفرج لحد الحلقة 53 وادخل بعدها علي الجزء التاني؛ لإن اول 15 حلقة في الجزء التاني إعادة انتاج لاخر 26 حلقة من الأول.

تقييم الجزء الأول 8\10


نتكلم بقي عن الجزء التاني:


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
4
love
lol lol
0
lol
omg omg
0
omg
win win
0
win

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format