1
1 point

في المقدمة:

فالانمي عادةً، السيريالية و اللا واقعية بتكون حاجة منتشرة جدًا. و ساعات كتير بتُستخدم بطرق حلوة جداً و مفيدة للقصة و بتكون مبتكرة و غريبة. لكن فنفس الوقت، ده مش معناه ان مفيش قصص واقعية موجودة فالانمي.
النهاردة هنقدملكم تقرير بسيط عن انمي هو من احسن من مزجوا القصص الواقعية بالاسلوب السيريالي او الخيالي فالرسم.


3-gatsu no Lion
  • اسم الأنمي: Gatsu no Lion-3
  • أسماء أخرى: Sangatsu no lion, March comes in like a lion.
  • ستوديو: Digital@Shaft
  • عدد الحلقات: 22
  • التصنيفات: دراما، سينين، شريحة من الحياة

القصة


الأنمي بيتحكي من منظور كيرياما راي، كيرياما طالب فالصف الثانوي و لاعب شوجي (شطرنج ياباني) محترف،
و معروف فعالم الشوجي كعبقري فمجاله.


كيرياما عايش مع عائلة غير عيلته عشان عيلته الاصلية (ابوه و امه و اخته) ماتت.
لكن بعد كده، ساب العائلة الجديدة و راح عاش فشقة صغيرة لوحده و ساب المدرسة عشان يركز علشوجي.


كيرياما ايضاً تعرف بالصدفة علي عائلة متكونة من ٣ اخوات بنات و جدهم (ابوهم و امهم متوفيين) و العائلة التانية دي حتكون بمثابةً بيت تاني ليه


دي القصة الاولية و الانمي بيبدأ من بعد ما كيرياما اتعرف علي العائلة و عايش لوحده.

يالا بقي ندخل فالريڤيو.


قصة سانجاتسو متتوصفش بقصة كئيبة ولا قصة كوميدية، هيا قصة واقعية، زي ما مفيش حد حياته كلها كئابة ولا كلها فرحة، فجزء من واقعية سانجاتسو انو مبيوريكش جزء واحد او ناحية واحدة من حياة البطل بل بيوريك كل النواحي بالحلو و المر.


قصة سانجاتسو قصة جميلة، بحيث ان المواقف اللي بيتعرضلها البطل و الدروس اللي بيتعلمها حقيقية.
و اكيد بلا شك هتلاقي نفسك متفاعل او متفاهم مع واحد منهم.

كيرياما شخصية رائعة جداً!! بيمر بحالة من الاكتئاب، ناتجة عن موت عائلته و احساسه انو سبب دمار العائلة الجديدة اللي راحها. فده خلق جواه احساس بانه شخص بيجلب الدمار علي اللي حواليه، شخص ملهوش لازمة….


لكن مع كل ده، اللي بجد رائع فشخصيته انه مبيستسلمش!! مش بيفضل قاعد حاسس بالشفقة علي نفسه،
بل واحدة واحدة بيحاول يحسن وضعه و يعمل علي علاقاته مع مواجهة المشاكل اللي بتقابله فحياته اليومية سواءً من الشوجي او الحياة الشخصية.


قصة سانجاتسو فيها دروس كتيرة و أمثلة كتيرة عن التواضع متمثلة فشخصيات جانبية فالانمي هتكلم عنها فجزء الشخصيات.


الانمي ايضاً مكس مابين الكوميديا و الدراما. اللحظات الكوميدية بتخلق تناقض مؤثر جداً بين اللحظات الجد و التناقض ده بيعزز اللحظات الجد و الكوميدية مع بعض.

الشخصيات


-كيرياما راي:


كيرياما بطل القصة، و شرحنا تاريخه فوق.
كيرياما كشخصية فهوا واحدة من اكتر الشخصيات الواقعية و الجميلة اللي شفتها

كيرياما فالاصل مبيحبش لعبة الشوجي، لكن اتعلمها عشان يتقرب اكتر من ابوه الاصلي؛ لانه كان لاعب شوجي محترف. و بعد ما ابوه و امه ماتوا، و راح لعايلته الجديدة، كمل فالشوجي. و السبب ان العائلة ال تبنته مركزة علشوجي. لكن بما ان كيرياما كان عبقري شوجي، فده دفع الاب إنه يعطيه اهتمام اكتر من ولاده الاصليين. مما سبب لولاده الاتنين حالة من الاكتئاب و فقدان الامل انهم عمرهم هيكونوا احسن منه.و ده أدى بكيرياما انه يسيب البيت و يمشي


فدلوقتي كيرياما بقي قاعد فبيت لوحده هدفه فالحياة الوحيد هوا الشوجي، اللي فالاصل مكنش الا مجرد اداة انو يتقرب من الناس اللي حواليه مش اكتر


كيرياما معظم الوقت عنده احساس ان معندهوش هدف.
الشوجي مش عشقه ولا بيلعبوا عن حب، لكن بعد كل اللي حصل متبقاش عنده فالدنيا غير مهاراته فالشوجي، لو سابها بقي معندهوش حاجة نهائياً.راي مش بيطمح للفوز و المجد لكن مضطر يفوز لان هوا معندهوش حل او بديل غير الفوز، الشوجي الحاجة الوحيدة المتبقايله فعشان كده مهما اضطر يسحق احلام ناس تانية شغوفة بالشوجي و حلمها انها تكسب مش هتفرق معاه.


شخصية قوية جداً و مؤثرة جداً و صراعاتها حقيقية


-اخوات كاوموتو:


كاواموتو ده اسم العائلة اللي تمثل عائلة ري التالتة، بعد ما ساب عائلته المتبنياه. العائلة بتتكون من الاخت الكبيرة اكاري، المتوسطة هيناتا، الطفلة مومو و جدهم الكبير


الاخوات دول مصدر الكوميديا الغالب فالانمي، الاخت الكبيرة هيا اللي بترعي العائلة فغياب امهم و بتطبخ و بتغسل و بتقوم بكل اعمال البيت و ساعات بتساعدها اختها هيناتا، و جدهم شغال صاحب محل حلويات يابانية.


العائلة دي بتكون شبه عائلة تانية لراي حيث انه كل شوية يدعوه يجي ياكل عندهم و يدولوا اكل يروح بيه عشان هوا عايش لوحده و مبيعرفش يطبخ فاغلب الوقت بياكل معلبات او اكلات جاهزة.

ظروف الأسرة:


الاخوات دول مروا بنفس ظروف راي بظبط حيث انهم خسروا عايلتهم (لسه متكشفش ليه) و متبقاش غير جدهم و الاخوات لكن مع نفس الوقت بيحاولوا يرعوا نفسهم بقدر الامكان و بيحاوله يضحكوا و ميسبوش الحزن ياكلهم رغم انه صعب علي بنات فسنهم يخسروا ابوهم و امهم مرة واحدة.


هما مصدر كتير من الكوميديا و اللحظات المرحة فالمسلسل لكن هما مش مصدر كوميديا و بس حيث انه كتير من افعالهم بتأثر فراي جامد و كتير جداً انقذوه من مواقف كان بيدمر فيها نفسه.


شخصيات محبوبة جداً و بتديي روح جميلة اوي للانمي.


– كيوكو:


كيوكو اخت راي من عائلته المتبنية، كيوكو شخصية عنيفة جداً و حادةً الطباع جدا.

كيوكو كانت دايماً بتحقد علي راي من ايام ما كان عايش مع عائلته المتبنية؛ عشان الاهتمام الشديد اللي الاب كان بيديي لراي و اهماله ليها و لاخوها. و كيوكو ايضاً السبب فأن راي يسيب البيت، و يروح يعيش لوحده. عشان تحيز ابوها ليه سببها انها تحاول تسيب البيت و تمشي ففالمقابل راي ساب البيت و مشي بدل ما يدمر العائلة اللي احتضنته.

كيوكو كشخصية، فهي مشوشة جداً و مضطربة جداً و بينها و بين راي علاقة بين الحب و الكره.
كتير اوي بتقول كلام يسببله مشاكل او اضطرابات و كتير بتزوره لسببٍ ما حتي هوا مش عارفه.
العلاقة بينها و ماباين راي علاقة معقدة جداً و مشوشة و غير واضحة. كتير اوي راي يوصف كلامها بانه سم لكن سم لايستغني عنه.
و ده بيوضح اد ايه العلاقك ماباينهم غير واضحة و مضطربة.

كفاية كده علي الشخصيات عشان مطولش لكن الانمي في شخصيات كتيرة تانية جانبية لكن كل واحدة فيهم بتاخد حقها و ليها قصتها و بيأثروا علي راي بشكل او باخر

•–––––––––––––––––––––––––{}–––––––––––––––––––––––•


Like it? Share with your friends!

1
1 point

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
5
love
lol lol
1
lol
omg omg
0
omg
win win
1
win

0 Comments

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format